Pakistan CAA News: पंतप्रधान नरेंद्र मोदी यांनी दुसऱ्या टर्ममध्ये नागरिकत्त्व (दुरूस्ती) कायदा (CAA), २०१९ मंजूर करण्यात आला होता. भारताच्या शेजारी असलेल्या राष्ट्रांमधील भारतीय वंशाच्या नागरिकांना पुन्हा भारताचे नागरिकत्व मिळावे यासाठी हा कायदा करण्यात आल्याचे सांगितले गेले. या कायद्यानुसार मूळचे गोव्यातील ७८ वर्षीय ख्रिश्चन धर्मीय जोसेफ परेरा यांना भारतीय नागरिकत्त्व बहाल करण्यात आले आहे. परेरा हे २०१३ पासून गोव्यात राहत आहेत. त्याआधी पोर्तुगीजांकडून गोवा मुक्त होण्याआधी ते कुटुंबासह पाकिस्तानात स्थलांतरीत झाले होते. CAA कायद्यानुसार नागरिकत्व मिळवलेले जोसेफ परेरा गोव्यातील पहिली व्यक्ती ठरले आहेत.