पहलगाममध्ये झालेल्या दहशतवादी हल्ल्यानंतर भारत सरकारने पाकिस्तानातील कलाकार, अभिनेते, क्रिकेटपटू यांच्या सोशल मीडिया खात्यांवर भारतात बंदी घातली होती. त्यामुळे अनेक पाकिस्तानी सेलिब्रिटींचे सोशल मीडिया अकाउंट्स भारतीय युजर्सना दिसत नव्हते.मात्र आता ही बंदी हटवण्यात आल्याचे संकेत मिळत आहेत. कारण अनेक युजर्सना पुन्हा एकदा पाकिस्तानी सेलिब्रिटींची खाती सहजपणे उघडता येत आहेत.

त्यामुळे सोशल मीडियावर या बंदीच्या उठवण्याबाबत चर्चा सुरु झाली आहे. केंद्र सरकारने अद्याप या बंदीबाबत कोणतीही अधिकृत घोषणा केलेली नाही. त्यामुळे ही तांत्रिक चूक आहे की जाणूनबुजून बंदी हटवण्यात आली आहे, याबाबत संभ्रम कायम आहे.काही तज्ज्ञांच्या मते, सोशल मीडिया प्लॅटफॉर्मवरून लावलेली बंदी काही वेळेस कालमर्यादित असते. बंदीचा कालावधी पूर्ण झाल्यानंतर ती आपोआप हटते, अशी शक्यता वर्तवली जात आहे.सध्या याबाबत अधिकृत स्पष्टीकरणासाठी सगळ्यांचे लक्ष सरकारकडे लागले आहे.