नवी दिल्लीत ३० सप्टेंबरला इंडिया आघाडीतील पक्षांच्या प्रमुख नेत्यांची महत्त्वाची बैठक होणार आहे. मुख्य निवडणूक आयुक्त ज्ञानेश कुमारांच्या मुद्द्यावर चर्चा होणार आहे. त्यांच्या विरोधात महाभियोग कसा आणायचा, तसंच दिल्लीत आंदोलन करण्यासंदर्भात चर्चा होणार असल्याची माहिती मिळतेय. या बैठकीला महत्त्वाचे नेते उपस्थित राहणार आहेत.

या बैठकीत एसआयआर, निवडणूक आयोग आणि मुख्य निवडणूक आयुक्तांशी संबंधित विषयांवर चर्चा होणार असल्याचं कळतं. इंडिया आघाडीतील सर्व पक्ष यासंबंधी एकमेकांच्या संपर्कात आहेत. २९ सप्टेंबरला काँग्रेसच्या कार्यकारिणीची बैठक होणार असून, त्यात एसआयआरच्या मुद्द्यावर काँग्रेस पक्ष रणनीती आखणार असल्याचे समजते.