मुसळधार पावसामुळे सांगलीतील पलूस तालुक्यातील औदुंबर दत्त मंदिराच्या गाभाऱ्यात पाणी शिरले आहे. त्यामुळे देवाच्या पादुका वरती असणाऱ्या देवघरात नेण्यात आल्या आहेत.तसेच भाविकांना मंदिराकडे जाण्यास बंदी घालण्यात आली आहे. दरम्यान मुसळधार पावसामुळे कृष्णा आणि वारणा नदीच्या पाणी पातळीत झपाट्याने वाढ होत आहे. त्यामुळे नदीकाढच्या नागरिकांना प्रशासनाने सतर्कतेचा इशारा दिला आहे. काही दिवसांपासून सांगलीसह अनेक जिल्ह्यात मुसळधार पाऊस सुरु आहे. त्यामुळे धरणांच्या पाणी पातळीत वाढ होत असून, नागरिकांचे मुसळधार पावसामुळे जनजीवन देखील विस्कळीत झालं आहे.