अलिबागमध्ये काल मुसळधार पावसासह सोसाट्याचा वार देखील असल्याने जे एस डब्यू कंपनीचे जहाज काल भरकटले होते. त्या जहाजामध्ये 14 खलाशी अडकून पडलेत. अलिबागमध्ये अडकून पडलेल्या 14 खलाशांचे सध्या बचावकार्य सुरु असून, त्यांना तटरक्षक दलाच्या हेलिकॉप्टरने किनाऱ्यावर आणण्यात येणार आहे. जे एस डब्यूचे हे मालवाहू जहाज आहे. अलिबाग जवळ कुलाबा किल्ल्याच्या मागील बाजूस समुद्रात हे जहाज अडकून पडले आहे. सर्व टीम खलाशांना बाहेर काढण्यासाठी मोठ्या प्रमाणात प्रयत्न करत आहे. मुसळधार पावसाचा फटका हा आता जहाजाला देखील बसलाय.