माजी खासदार इम्तियाज जलील यांनी वक्फ बोर्डाच्या कार्यालयात घुसून अधिकाऱ्याला धमकी दिल्याचा प्रकार समोर आला आहे.

छत्रपती संभाजीनगर शहरातील आमखास मैदानावर वक्फ बोर्डाकडून बांधकाम होत असल्याची माहिती मिळाल्यानंतर काल माजी खासदार इम्तियाज जलील यांनी थेट आमखास मैदान गाठले. हमखास मैदान हे क्रिकेट फुटबॉलसह वेगवेगळ्या खेळांसाठीची मैदान आहे त्या ठिकाणी बांधकाम कसे काय सुरू करता असा प्रश्न उपस्थित करत त्या ठिकाणचे बांधकाम रोखले.

त्यानंतर इम्तियाज जलील हे एमआयएमच्या पदाधिकारी आणि कार्यकर्त्यांसह थेट वक्फ बोर्डाच्या कार्यालयात पोहोचले. खेळासाठीचे मैदान आहे तिथे बांधकाम करीत आहेत, हे कोणाला विचारून केले असा जाब अधिकाऱ्यांना विचारला. जमीन वक्फ बोर्डाची आहे आणि तिथं बांधकाम विभागाच्या वतीने बांधकाम कसं सुरू आहे त्याला एनओसी कोणी दिली? असे सवाल करत जलील अधिकाऱ्याला म्हणाले, तुला मैदानावर घेऊन जातो आणि जिथे खड्डे खोदले तिथेच तुला पुरून टाकेल अशी खुलेआम धमकी जलील यांनी अधिकाऱ्याला दिली.