पुणे शहरासह संपूर्ण जिल्ह्याला सोमवारी वादळी वाऱ्यासह आणि गारपिटीसह मुसळधार पाऊस झाला. या अवकाळी पावसाने पुणे शहराला अक्षरश: झोडपून काढले. पुण्यातील अनेक भागांमध्ये पाणी साचले होते तर काही ठिकाणी झाडं उन्मळून पडल्याच्या घटना घडल्या. अचानक आलेल्या या पावसामुळे पुणेकरांची चांगलीच तारंबळ उडाली. आज देखील पुण्यासाठी महत्वाचा असणार आहे.

हवामान खात्याने दिलेल्या माहितीनुसार, पुण्यासह अन्य जिल्ह्यासाठी पुढील ३ तासांत पाऊस पडण्याची शक्यता आहे. अहिल्यानगर, छत्रपती संभाजीनगर, नाशिक, पुणे आणि सातारा येथील तुरळक ठिकाणी हलक्या ते मध्यम पावसासह हलक्या स्वरूपाच्या मेघगर्जनेसह वादळे होण्याची शक्यता आहे. हवामान खात्याने पुणे जिल्ह्यासाठी पावसाचा येलो अलर्ट दिला आहे. त्यामुळे नागरिकांनी काळजी घेण्याचे आवाहन करण्यात आले आहे.