अमोल कलये, रत्नागिरी, साम टीव्ही

मेथीची भाजी असो की इतर कोणती पालेभाजी. या पालेभाज्या किंवा फळे कुठे धुतली जातात हे आपण कधी बघितलंय का? याआधी पालेभाज्या गटाराच्या पाण्यात धुतल्याचे अनेक व्हिडिओ व्हायरल झाले आहेत. आता असाच एक व्हिडिओ सध्या सोशल मीडियावर व्हायरल होत आहे. एका परप्रांतीय विक्रेत्यानं विक्रीसाठी ठेवलेले ताडगोळे चक्क गटाराच्या पाण्यात धुतले. या किळसवाण्या प्रकाराचा व्हिडिओ व्हायरल झाला आहे.

खेडमधील ही घटना आहे. येथील तहसील कार्यालयासमोर हा परप्रांतीय विक्रेता ताडगोळे विकत होता. त्यानं विक्रीसाठी ठेवलेले ताडगोळे गटाराच्या पाण्यात धुतले. हा व्हिडिओ व्हायरल झाल्यानंतर खळबळ उडाली आहे. या परप्रांतीय विक्रेत्याविरुद्ध पोलिसांनी गुन्हा नोंदवला आहे. अल्लाउद्दीन खुदुस शेख असं या विक्रेत्याचं नाव आहे. भारतीय न्याय संहिता अधिनियम २०२३ कलम २७१ अन्वये गुन्हा नोंदवण्यात आला आहे.