सप्टेंबर महिन्यात मराठवाड्यासह पश्चिम महाराष्ट्रातील काही भागांत मुसळधार पावसानं झोडपून काढलं. शेतकऱ्यांचं प्रचंड नुकसान झालं. काही शेतकऱ्यांनी आयुष्य संपवलं. शेतकऱ्यांनी राज्य सरकारकडे आर्थिक मदतीची मागणी केली आहे. अलिकडेच मुख्यमंत्री देवेंद्र फडणवीसांनी पंतप्रधानांची भेट घेतली. त्यांना निवेदन दिलं. आज गृहमंत्री अमित शहा महाराष्ट्र दौऱ्यावर आहेत. यावेळी लोणीमधील शेतकरी मेळाव्यात अमित शहा उपस्थित होते.

अमित शहांनी उपस्थितांना संबोधित केलं. राज्यातील अतिवृष्टीमुळे शेतकऱ्यांना झालेल्या नुकसानी संदर्भात बोलताना त्यांनी स्पष्ट केलं की, 'राज्य सरकारने अहवाल पाठवला तर, केंद्र सरकार नुकसानभरपाई देईल', असं ते म्हणाले.