नवी मुंबईच्या खारघरमध्ये पुन्हा मराठी आणि हिंदी भाषा वाद उफाळून आला आहे. परप्रांतीय दुकानदार आणि गणेश मंडळाच्या कार्यकर्त्यांमध्ये वाद झाला. परप्रांतीय दुकानदाराने वर्गणी देण्यास नकार दिला. त्यानंतर मराठी माणसामुळे आमचं दुकान चालत नाही,असं म्हणत परप्रांतीय दुकानदाने मराठी तरुणांना सुनावलं. मराठी बोलणार नाही आणि शिकणार नाही, असं म्हणत दुकानदाराने गणेश मंडळाच्या कार्यकर्त्यांवर मुजोरी केली. या प्रकारानंतर मनसे कार्यकर्त्यांनी परप्रांतीय दुकानदाराचा माज उतरवला. मनसेच्या आक्रमक पवित्र्यानंतर परप्रांतीय दुकानदाराने माफी मागितली.