बदलापूरमधल्या अत्याचाराच्या घटनेवरून मविआनं महायुतीला घेरण्यासाठी महाराष्ट्र बंदची हाक दिली. उद्धव ठाकरेंनी सगल दोन दिवस पत्रकार परिषद घेऊन बंदबाबत आक्रमक भूमिका मांडली. मात्र बंदविरोधात दाखल केलेल्या याचिकावर सुनावणी करताना कोर्टानं बंद बेकायदा असल्याचा निर्णय दिला. आणि सरकारला बंदविरोधात कारवाई करण्याचे आदेश दिले. त्यामुळे मुख्यमंत्र्यांनाही कोर्टाच्या निर्णय़ाच्या अंमलबजावणी करण्याची आयती संधी चालून आली.