राज्यभरात मुसळधार पावसाचा तडाखा बसत आहे. जळगावमधील चाळीसगाव तालुक्यात पहाटेपासूनच मुसळधार पाऊस सुरु आहे. पावसामुळे चाळीसगाव तालुक्यातील दहिवद परिसरात नदी नाल्यांना पूर आला आहे. काही वेळ पावसाचा जोर वाढल्यामुळे अनेकांच्या घरामध्ये पाणी शिरलं असून ग्रामस्थांची एकच धावपळ उडाली. अनेकांच्या शेतांमध्ये पाणी शिरल्याने पिकांचेही मोठ्या प्रमाणात नुकसान झालं आहे. चाळीसगाव परिसरात नदीचं स्वरुप प्राप्त झालं आहे. शेती पाण्याखाली जाऊन परिसराला नदीचं स्वरुप आल्याचं पाहायला मिळत आहे.