रायगड: मुसळधार पावसामुळे अनेक ठिकाणी पाणी साचलं आहे.रायगड जिल्ह्यात (Raigad Rain) पावसामुळे महाड-रायगड रस्ता हा वाहतुकीसाठी बंद करण्यात आला आहे.दरम्यान मांडले विभागात पावसामुळे गांधारी जोड नदीच्या पाणी पातळीत वाढ झाली आहे.नदीचे पाणी रस्त्यावर गेल्याने महाडच्या खानी पट्ट्यातील संपर्क आता तुटला आहे.रायगडमध्ये मुसळधार पावसाने थैमान घातलं असल्याने, अनेक ठिकाणी पाणी साचलं आहे.नागरिकांचे जनजीवन देखील मुसळधार पावसामुळे विस्कळीत झालंय.महाडमध्ये तुफान झालेल्या पावसामुळे रस्ते वाहतुकीवर त्याचा परिणाम झाला आहे.