कल्याण डोंबिवली भागात सकाळपासूनच रिमझिम पावसाची सुरुवात झाली आहे. परंतु आता कल्याण डोंबिवलीमध्ये पावसाचा जोर वाढला आहे. पावसामुळे शहरातील काही प्रमाणात वाहतूक कोंडी झाल्याची पाहायला मिळत आहे. पावसाच्या पार्श्वभुमीवर महापालिकेचं आपात्कालीन विभाग सज्ज झालं आहे. नदी किनारी राहणाऱ्या नागरिकांना स्थलांतरीत होण्याची नोटीस देण्यात आली असून. त्यांच्या राहण्याची पर्यायी व्यवस्था महापालिकेकडून करण्यात आली आहे. पावसाचा जोर असाच राहिला तर कल्याण डोंबिवली परिसरातील सखल भागात पाणी साचण्याची शक्यता नाकारण्यात येत नाही.