माणगांव किल्ले रायगड परिसरात ढगफुटी सदृश्य पाऊस झाल्याने रस्त्यांना नदीचं स्वरूप आलं आहे. नदीनाल्याप्रमाणे रस्त्यांवरून पाणी वाहत असल्यानं या पाण्यात चारचाकी गाडी अडकून पडली आहे. तर एक दुचाकी वाहून गेली आहे.

राज्यात पुढचे काही दिवस जोरदार पावसाची शक्यता सांगितलेली असतानाच सोमवारी माणगांव किल्ले रायगड परिसरात झालेल्या ढगफुटी सदृश्य पावसाने सामान्यजनतेची तारांबळ उडवलेली दिसून आली. परिसरातील रस्त्यांवरून नदीप्रमाणे पाणी वाहत आहे. या पाण्यात एक दुचाकी वाहून गेल्याची घटना घडली आहे. तर एक चारचाकी अडकून पडली आहे. रस्त्यावरचे पाणी ही धडकी भरवणारे दिसत आहे. सोमवारी संध्याकाळी चार वाजेच्या सुमारास रायगडच्या उत्तर भागात जोरदार पावसाने हजेरी लावली. अचानक ही भयानक परिस्थिती आल्याने नागरिकांत भितीचे वातावरण पसरले आहे.