पुण्यात जोरदार पाऊस झाला आहे. अनेक भागांत पाणी साचले असून नागरिकांचे हाल झाले आहेत. या पावसात सरकारला प्रशासनाला जी मदत लागेल ती मदत करायला आम्ही तयार आहोत असे सुप्रिया सुळे म्हणाल्या. तसेच या परिस्थितीवरून सुळे यांनी सरकारला सवाल विचारले आहेत. सुळे म्हणाल्या की आता आरोप प्रत्योरोप करण्याची वेळ नाही. पण सरकार आणि प्रशासनाला मला विचारायचे आहे की धरणातला विसर्ग करण्यापूर्वी नागरिकांना सतर्क का करण्यात आले नाही? आता तंत्रज्ञान इतके पुढे गेले आहे, संवादाची इतकी माध्यमं असताना नागरिकांना सूचना का देण्यात आली नाही? यामुळे ज्येष्ठ नागरिकांचे हाल झाले नसते असेही सुळे म्हणाल्या.