पुणे जिल्ह्यात मुसळधार पावसाने झोडपून काढले आहे. पुण्यात जागोजागी पाणी भरले असून अनेक घरांत पाणी शिरले आहे. या पावसामुळे पुण्यातील अनेक शाळांना सुटी जाहीर करण्यात आली आहे. गरज असल्यावरच बाहेर पडा असे आवाहन प्रशासनाने केले आहे. दुसरीकडे या मुसळधार पावसामुळे पुण्यातल्या आदरवाडी भागात पाण्यासोबत दरडी वाहून आल्या आहेत. दरड कोसळल्यामुळे एका व्यक्तीच मृत्यू झाला आहेत. पाण्यासोबत माती वाहून आल्याने रस्त्यावर वाहतूक कोंडी झाली आहे. हा रस्ता मोकळा करण्यासाठी अजून पाच ते सहा तास लागेल असे सांगितले जात आहे. शिवाजीनगरमधल्या पोलिस वसाहतीत पाणी शिरले आहे. त्यामुळे नागरिकांचे हाल झाले आहेत.