राष्ट्रवादी काँग्रेस शरद पवार गटाचे नेते जितेंद्र आव्हाड यांनी केलेल्या कृतीनंतर संपूर्ण राज्याचं राजकारण ढवळून निघालं. भाजपकडून आव्हाडांविरोधात पोस्टर्स जाळण्यात आले. तसेच त्यांच्याविरोधात घोषणाबाजीही करण्यात आली. पण छगन भुजबळ यांनी आव्हाडांची पाठराखण केल्यामुळे हसन मुश्रीफ यांनी भुजबळांवर टीका केली आहे. छगन भुजबळ यांनी मनुस्मृतीचा मुद्दा कुठेतरी बाजूला पडेल म्हणून पाठिंबा देण्याचे वक्तव्य केलं हे अतिशय दुर्दैवी आहे. छगन भुजबळ यांना राज्यसभेवर पाठवण्यासंदर्भात मला काहीही माहिती नाही यासंदर्भात आमचे नेते अजित पवार सांगू शकतील, असं मुश्रीफ म्हणाले.