राज्यात लवकरच महापालिका निवडणुकीचे बिगूल वाजण्याची शक्यता आहे. त्याची घोषणाही लवकरच होऊ शकते. यामुळे राज्यात राजकीय घडामोडींना वेग आला आहे. याच पार्श्वभूमीवर कॉँग्रेस प्रदेशाध्यक्ष हर्षवर्धन सपकाळ यांनी आज शिवसेना ठाकरे गटाचे पक्षप्रमुख उद्धव ठाकरे यांची त्यांच्या निवासस्थानी मातोश्री येथे भेट घेतली आहे.

यावेळी त्यांनी माध्यमांशी संवाद साधला. ते म्हणाले, प्रदेशाध्यक्ष झाल्यानंतर महाविकास आघाडीच्या नेत्यांना भेटण्यासाठी आलो होतो. आमच्यात चांगली चर्चा झाली. आपला महाराष्ट्र धर्म कसा असला पाहिजे यावर आम्ही चर्चा केली. महाराष्ट्र धर्म जगला तर देश जगेल. मात्र आज भाजप धर्म आणि देश बुडवायला आला आहे. अशी जोरदार टीका सपकाळ यांनी केली. पुढे ते म्हणाले, मी राहुल गांधी यांच्यावर पुस्तक लिहिले आहे. तेच पुस्तक मी उद्धव ठाकरे यांना दिले.