सांगलीच्या मिरज पूर्व भागामध्ये काल सायंकाळी वादळी वाऱ्यासह गारपीट झाली आहे.. त्यामुळे मिरज पूर्व भागातील शेतकऱ्यांचे अतोनात नुकसान झाले आहे. बेडग मालगाव रस्त्यावरील द्राक्ष बागेचे मोठ्या प्रमाणात नुकसान झाले आहे. काढणीला आलेला एक्सपोर्टचा द्राक्ष हा अक्षरशः तुटून जमिनीवर पडलेला आहे. गारांचा एवढा मारा होता की बागेची पानं आणि द्राक्ष तुटून जमिनीवर पडले आहेत. जमिनीवर पानांचा आणि द्राक्षांचा खच साचून राहिला आहे. त्यामुळे शेतकऱ्यांचे अतोनात नुकसान झाले आहे. या अवकाळी पावसाच्या फटक्यामुळे शेतकरी हतबल झाला आहे. मिरज तालुक्यातील द्राक्ष बागायतदार शेतकऱ्यांचे लाखो रुपयांचे नुकसान झाले आहे.