गुजरातमध्ये मंत्रिमंडळ फेरबदलाच्या पार्श्वभूमीवर, मुख्यमंत्री भूपेंद्र पटेल यांच्याकडे गुरुवारी १६ मंत्र्यांनी अचानक आपले राजीनामे सादर केले. यानंतर राजकीय खळबळ उडाली आहे. मिळालेल्या माहितीनुसार, स्थानिक स्वराज्य संस्थांच्या निवडणुका आणि २०२७ विधानसभा निवडणुकीच्या पार्श्वभूमीवर हा निर्णय घेण्यात आला आहे. मुख्यमंत्र्यांनी सर्व मंत्र्यांना दुपारी आपले राजीनामे देण्यास सांगितले.

मुख्यमंत्री पटेल यांनी राजीनाम्यानंतर मंत्र्यांसोबत बैठक घेतली असून, मंत्र्यांनी आपले कार्यालय सोडणे सुरू केले आहे. मुख्यमंत्री आज संध्याकाळी राज्यपाल अचार्य देवव्रत यांची भेट घेऊन नव्या मंत्र्यांची यादी सादर करण्याची शक्यता आहे. जे महाराष्ट्राच देखील राज्यपाल आहे. ते रात्री ८ वाजता गांधीनगर पोहोचतील.