नाशिक : तिरुपती, पंढरपूर, शिर्डीप्रमाणे आता त्र्यंबकेश्वरमध्ये देखील बुंदी लाडूचा प्रसाद मिळणार आहे.

बारा ज्योतिर्लिंगांपैकी एक असलेल्या त्र्यंबकेश्वरमध्ये देखील आता आलेल्या भाविकांना बुंदी लाडूचा प्रसाद मिळणार आहे. विश्वस्त स्वप्नील शेलार आणि इतर मंदिरातील विश्वस्तांच्या पुढाकाराने आजपासून प्रसाद सेवा सुरू करण्यात आली आहे. त्र्यंबकेश्वरमध्ये देखील मंदिर समितीकडून प्रसाद देण्यात यावा, अशी गेल्या अनेक दिवसांपासूनची मागणी होती. अखेर गुढीपाडव्याच्या शुभ मुहूर्तावर देवस्थानकडून बुंदी लाडू प्रसाद सेवा सुरू झाली आहे.