Ganesh Naik On Forest Department : नोकरीच्या शोधात असलेल्या बेरोजगार तरुणांसाठी एक अत्यंत आनंदाची बातमी समोर येत आहे. येत्या 3 वर्षांत वन खात्यात तब्बल 25 ते 30 हजार नवीन पदांवर बंपर भरती केली जाणार आहे. वनमंत्री गणेश नाईक यांनी ही महत्त्वाची घोषणा केली आहे. या मोठ्या भरती मोहिमेमुळे लाखो बेरोजगार तरुणांना वन विभागात नोकरीची सुवर्णसंधी उपलब्ध होणार असून, यामुळे विभागाचे कामकाज अधिक मजबूत होणार आहे.

वन खात्यामध्ये आगामी काळात ऐतिहासिक आणि मोठ्या प्रमाणावर बदल घडवून आणण्याचा निर्णय घेण्यात आला आहे. याचाच एक भाग म्हणून, आगामी तीन वर्षांच्या कालावधीत वन खात्यात साधारणपणे २५ हजार ते ३० हजार लोकांची नवीन भरती केली जाईल, अशी माहिती वनमंत्री गणेश नाईक यांनी दिली आहे. इतक्या मोठ्या प्रमाणावर होणाऱ्या या भरतीमुळे वन विभागाच्या कामकाजात अमुलाग्र बदल घडण्यास मदत होईल, असा विश्वास यावेळी व्यक्त करण्यात आला.