भाजपचे जत तालुक्याचे आमदार आणि धनगर समाजाचे नेते म्हणून ओळखले जाणारे गोपीचंद पडळकर यांनी आज साम टीव्हीच्या ‘ब्लॅक अँड व्हाईट’ कार्यक्रमाला मुलाखत दिली. पडळकर नेहमीच आपल्या वादग्रस्त विधानाने चर्चेत असतात. त्यांचा आणि शरद पवार गटाचे आमदार तथा माजी मंत्री जयंत पाटील यांच्यातील राजकीय संघर्ष सर्वश्रुत आहे. काही दिवसांपासून त्यांनी राज्यात चालू असणाऱ्या ख्रिश्चन धर्मांतराच्या विरोधात लढा सुरू केल्याचे दिसून येत आहे. पडळकर नेहमीच शरद पवार, सुप्रिया सुळे आणि अजित पवार यांच्यावर जोरदार हल्लाबोल करत असतात. सध्या त्यांनी हिंदुत्वाचा मुद्दा लावून धरला आहे. मराठा आरक्षणाचा मुद्दा ज्यावेळी चर्चेत येतो. त्यावेळी त्यांच्यातील ओबीसी जागा होतो. या सगळ्यावर त्यांनी मुलाखतीत सविस्तर भाष्य केले आहे. पाहा संपूर्ण मुलाखत