दिवसेंदिवस सोन्याची झळाळी वाढतच चाललीय. आंतरराष्ट्रीय घडामोडींचे पडसाद सोने-चांदीच्या दरांवर पडत असतात. 2024च्या अखेरपर्यंत सोन्याचे दर 1 लाखावर जाण्याची अंदाज काही अर्थतज्ज्ञांनी व्यक्त केलाय. वाढत्या जागतिक मंदीमुळे सोन्याचे दर वाढतच चालले आहेत. सध्या सोन्याचा दर ७३ हजारांच्या घरात आहे. त्यामुळे या वर्षअखेरपर्यंत सोनं एक लाखाच्या घरात जाऊ शकतं, असं अर्थतज्ज्ञांचं म्हणणं आहे... दरम्यान वाढता वापर पाहता चांदीचे दरही लाख रुपये किलोवर जाण्याची शक्यता आहे. अनेक मध्यमवर्गीय कुटुंब सोन्यात गुंतवणूक करत असतात. त्यांना याचा फायदा होईल. मात्र ज्यांना आगामी काही महिन्यात लग्नसराईसाठी किंवा हौसेखातर सोनं खरेदी करायचं असेल त्यांचा मात्र दर पाहून हिरमोड होण्याची शक्यता आहे.