पणजी : गोव्यातील दाबोळी विमानतळ उडवून देण्याची धमकी एका मेलद्वारे देण्यात आली आहे. विमानतळ बॉम्बने उडवून देण्याची धमकी देणारा मेल आल्यानंतर गोव्यात एकच खळबळ उडाली. मेलद्वारे धमकी आल्यानंतर गोवा पोलिसही सतर्क झाले आहेत. गोव्यातील विमानतळावर सुरक्षा वाढवली गेली असून चोख बंदबस्तही तैनात करण्यात आला आहे. गोवा विमानतळ हे लष्कराच्या अखत्यारीत येते. ई-मेल बाबत गोवा पोलिसांकडून तपास सुरू करण्यात आला आहे. दरम्यान, पर्यटक मोठ्या संख्येनं गोव्यात येत असल्यानं गोवा पोलिसांनी धमकीच्या ई-मेलची गंभीर दखल घेत ठिकठिकाणी कसून तपास सुरु केल्याचं कळतंय.