ब्रेक फेल झाल्याने मुंबई पुणे एक्सप्रेसवेवर गॅस टँकरचा अपघात झाला. ब्रेक फेल झाल्यानं टँकरची डोंगराला धडक झाली. पोलीस आणि प्रशासनाच्या तत्परतेनं वाहतूक कोंडी टळली आहे. पण गॅस टँकरच्या अपघातानं प्रवाशांमध्ये भीतीचे वातावरण होते.

मुंबई-पुणे एक्सप्रेसवेवर पुण्याहून मुंबईच्या दिशेने प्रोपेलिन गॅस घेऊन जाणाऱ्या एका टँकरचे ब्रेक फेल झाले. यामुळे हा टँकर महामार्गावरील सुरक्षा भिंतीला जाऊन धडकला, मात्र प्रसंगावधानामुळे मोठी दुर्घटना टळली. सुदैवाने, या अपघातात कोणीही जखमी झाले नाही.

घटनेची माहिती मिळताच महामार्ग पोलिसांनी मुंबईकडे जाणारी वाहतूक तात्काळ थांबवली आणि अवघ्या अर्ध्या तासात अपघातग्रस्त टँकर बाजूला हटवला. या अपघातामुळे महामार्गावर वाहनांच्या लांबच लांब रांगा लागल्या असून, सध्या महामार्ग पोलीस वाहतूक कोंडी सुरळीत करण्याचे प्रयत्न करत आहेत.