राज्यातील शिक्षकांसाठी आनंदाची बातमी आहे. अंशत: अनुदानित शाळांवरील ५२ हजारांपेक्षा जास्त शिक्षकांना वाढीव टप्पा अनुदान मंजूर करण्यात आले आहे. ऐन गणेशोत्सवात वेतन वाढीची बातमी मिळाल्यामुळे शिक्षकांमध्ये आनंदाचे वातावरण आहे. वेतनवाढ मिळणार असल्यामुळे गणेशोत्सवामध्ये या शिक्षकांची दिवाळी होणार आहे.

राज्यातील अंशत: अनुदानित शाळांमधील ५२ हजार २७३ शिक्षक-शिक्षकेतर कर्मचाऱ्यांना १ ऑगस्टपासून टप्पा अनुदान मंजूर झाले आहे. २०२४-२५ च्या संचमान्यतेनुसार पटसंख्या आणि शक्षक-शिक्षकेतर कर्मचाऱ्यांची पदे ग्राह्य धरली जाणार आहेत. पटसंख्या कमी झाल्यास पदे कमी करण्यात येणार असून हा अधिकार शिक्षक संचालकांना असणार आहे. यासंदर्भातील शासन निर्णय जारी करण्यात आला आहे.