कुख्यात गुंड गजा मारणे याची काही वेळापूर्वी जामिनावर सुटका झाली असून तुरुंगातून बाहेर पडताच तो थेट पुणे पोलिस आयुक्तालयात हजर झाला. गुन्हे शाखेचे उपायुक्त यांच्याकडे त्याने हजेरी लावली. १९ फेब्रुवारी रोजी कोथरूडमध्ये देवेंद्र जोग या तरुणाला मारहाण करण्यात आल्याप्रकरणी गजा मारणे याला टोळी प्रमुख म्हणून अटक करण्यात आली होते. न्यायालयीन सुनावणीत फिर्यादी जोग यांनी स्वतः कोर्टात हजर राहून कोणी चिथावणी दिली नसल्याचे प्रतिज्ञापत्र सादर केले होते. मारहाणीच्या गुन्ह्यात सुनावलेली शिक्षा पूर्ण झाल्यानंतर जामिनावर सुटका झालेल्या मारणेला पुणे शहरात थांबण्यास पोलिसांनी मनाई केली आहे.