गडचिरोली : नक्षलवाद्यांचा भुसुरुंग स्फोटाचा डाव पोलिसांनी उधळला. 6 प्रेशर कुकरमध्ये पुरून ठेवलेली 9 आयईडी आणि 3 क्लेमोर स्फोटकं पोलिसांनी जप्त केली आहेत. गडचिरोली पोलिसांची ही कारवाई केली. लोकसभा निवडणुकीदरम्यान घातपात घडवून आणण्यासाठी नक्षल्यांनी मोठा कट रचला होता. हा कट पोलिसांनी उधळून लावला. नक्षल्यांनी जमिनीत 6 प्रेशर कुकरमध्ये पुरून ठेवलेली 9 आयईडी आणि 3 क्लेमोर स्फोटके गडचिरोली पोलिसांनी नष्ट केली. नक्षलग्रस्त टिपागड टेकडी परिसरात विशेष नक्षलविरोधी पथक, केंद्रीय राखीव पोलीस दल, जलद प्रतिसाद पथक आणि बॉम्ब शोधक व नाशक पथकाने ही कारवाई पार पाडली.