राज्य महिला आयोगाच्या माजी अध्यक्षा रूपाली चाकणकर यांनाही ईडीचे समन्स बजावल्याची माहिती सूत्रांकडून मिळाली आहे. दोन दिवसांपूर्वी एसआयटीकडून साडेपाच तास चाकणकर यांची चौकशी झाल्यानंतर आता ईडीची एन्ट्री झाली आहे. यामुळे चाकणकर यांच्या अडचणीत वाढ होण्याची शक्यता व्यक्त केली जात आहे. पदाचा गैरवापर करून काही आर्थिक व्यवहार झाले का? याचा तपास करण्यात येणार आहे. शिवनिका संस्थेतील सहभागाचीही चौकशी होणार आहे. आर्थिक व्यवहारांशी संबंधित बाबींची पडताळणी केली जाईल.

रुपाली चाकणकर यांची चौकशी अहवाल ईडीला पुढील काही दिवसांत सादर होण्याची शक्यता आहे. चाकणकरांच्या ईडी चौकशीतून आणखी धक्कादायक माहिती समोर येण्याची शक्यता आहे. अशोक खरातने खंडणी रॅकेट चालवून ‘बेनामी’ बँक खात्यांच्या नेटवर्कमधून ७० कोटींपेक्षा अधिक रक्कम वळवल्याचा आरोप आहे.