सोलापुरात माजी नगरसेवक लालचंद वाधवानी यांच्यावर भरदिवसा धारदार शस्त्राने प्राणघातक हल्ला करण्यात आला आहे. हल्लेखोराने सर्वांसमोर वाधवानी यांच्यावर शस्त्राने वार केले आणि त्यानंतर तो हातात शस्त्र घेऊन दुचाकीवरून पसार झाला. ही संपूर्ण थरारक घटना परिसरातील सीसीटीव्ही कॅमेऱ्यात कैद झाली आहे.

घटनेनंतर गंभीर जखमी झालेल्या वाधवानी यांच्यावर आसरा चौक परिसरातील एका खासगी रुग्णालयात उपचार सुरू आहेत. या घटनेमुळे परिसरात मोठी खळबळ उडाली असून, पोलीस सध्या फरार मारेकऱ्याचा शोध घेत आहेत.