सचिन कदम, कर्जत | साम टीव्ही

रायगड जिल्ह्यातील कर्जत तालुक्यात भीषण अपघात झाला. भरधाव कारने चार ते पाच दुचाकीस्वारांना उडवलं. कर्जत दिवाणी न्यायालयातून कामकाज आटोपून मुद्रे गावाकडे निघालेल्या वकिलांच्या चालकाचे कारवरील नियंत्रण सुटले. वेगवान कार थेट चार ते पाच दुचाकींना धडकली.

या भीषण अपघातात मोटरसायकलवरील चार ते पाच प्रवासी जखमी झाले आहेत. या अपघाताचे CCTV फुटेज देखील समोर आले आहे. एका ट्रॅफिक हवालदाराच्या गाडीला देखील कारने उडवले. बाबासाहेब तिडके असे या हवालदाराचे नाव आहे. कारमध्ये मुंबई हायकोर्टाचे वकील संजय खेर आणि कर्जतचे वकील राजेंद्र निगुडकर देखील होते. ते दोघेही यात किरकोळ जखमी झाले आहेत.