Ajit Pawar On EVM | "निधी देतो, बटण दाबा!", हे वक्तव्य उपमुख्यमंत्री अजित पवारांना चांगलंच भोवलंय. अजित पवारांनी इंदापुरात प्रचारसभेत एक खळबळजनक वक्तव्य केलं होतं, या वक्तव्यानंतर राजकारणात चांगलीच चर्चा रंगली होती. आता निवडणूक आयोग कारवाई करणार का? दखल घेणार का असे प्रश्न देखील उपस्थित केले जात होते. आता या बाबतची मोठी अपडेट समोर आलीय. निवडणूक आयोगाने अजित पवारांच्या निधीसंदर्भातील वक्तव्याची दखल घेतलीये. निवडणूक आयोगाने जिल्हा निवडणूक अधिकाऱ्यांकडे अहवालाची मागणी केलीये. आता यावर निवडणूक अयोग काय भूमिका घेणार याकडे सर्वांचे लक्ष लागले आहे. "काय लागेल तो निधी त्याठिकाणी द्यायला आम्ही सहकार्य करू, पण जसा आम्ही निधी देऊ तशी तुम्ही EVM ची सुद्धा कचाकचा बटणं दाबा!" असं वादग्रस्त वक्तव्य उपमुख्यमंत्री अजित पवारांनी केलं होतं. याची गंभीर दखल निवडणूक आयोगाने घेतलीये.