आज शिवसेनेचे दोन दसरा मेळावा होत असून उद्धव ठाकरे यांनी भाजप आणि एकनाथ शिंदे यांच्यावर जोरदार प्रहार केला. तसेच गोरेगाव येथील नेस्को सेंटर येथे एकनाथ शिंदे यांचा मेळावा पार पडत आहे. यावेळी शिंदे यांनी ठाकरेंना जोरदार प्रत्युत्तर दिले. शिंदे म्हणाले, कपड्यांची इस्त्री सांभाळणारा आणि व्हॅनिटी व्हॅन घेऊन दौरा करणारा एकनाथ शिंदे नाही. फेसबुक लाइव्ह करणारा एकनाथ शिंदे नाही. आपत्तीत घरात बसणारा बाळासाहेबांना शिवसैनिक असूच शकत नाही. संकटात कार्यकर्ता घरात नाही, लोकांच्या दारात दिसला पाहिजे. खाली हाताने गेला नाही. सगळं घेऊन गेला. जीवनावश्यक वस्तू घेऊन गेला. शेतकऱ्यानं फोन करून आमच्याकडे कृतज्ञता बोलून दाखवली. हे तुमच्या शिवसैनिकानं येऊन केलं. त्या शिवसैनिकांचा मला सार्थ अभिमान आहे. असे एकनाथ शिंदे म्हणाले.