हिवाळी अधिवेशनात विरोधी पक्षनेत्याची नेमणूक करा, अशी मागणी विरोधकांकडून केली जात आहे. विरोधकांच्या मागणीवर एकनाथ शिंदेंनी प्रत्युत्तर दिलं. 'लोकसभेत विरोधी पक्षनेता मिळाला. पण विधानसभेत संख्याबळ मिळवा आणि मग मागणी करा, अशी टीका एकनाथ शिंदे यांनी केली . 'मी मुख्यमंत्री असताना मला घटनाबाह्य म्हणायचे. आता उपमुख्यमंत्री आहे तरीही तेच म्हणत आहेत, अशीही टीका त्यांनी केली. यावेळी शिंदेंनी महायुतीला मिळालेलं यश आणि गेल्या अडीच वर्षांतील कामाचा लेखाजोखा त्यांनी मांडला. तसेच विरोधकांनी केवळ विरोधासाठी विरोध न करता जनतेचे प्रश्न मांडावेत, असा सल्लाही शिंदेंनी दिला.