महायुतीत शिवसेना दुय्यम स्थानावर असल्याचा दावा केला जातो. या दाव्यावर उपमुख्यमंत्री एकनाथ शिंदे यांनी भाष्य केलं. एकनाथ शिंदे म्हणाले, 'बाळासाहेबांच्या विचाराची शिवसेना आम्ही पुढे घेऊन चाललो आहे. आता बाळासाहेबांच्या विचारांना तिलांजली देणारी उबाठा कुठे आहे, कितव्या नंबरवर गेली. शिवसेना आता चांदा ते बांद्यापर्यंत पोहोचली. सगळीकडे नगराध्यक्ष निवडून आले. अनेक नगरसेवक निवडून आले. लोकांना घरी बसणारा नव्हे, तर लोकांमध्ये जाणारा नेता हवाय. कार्यकर्त्यांच्या मागे उभा असणार नेता हवाय. मागील निवडणुकीत महाविकास आघाडी कुठे दिसलीच नाही. त्यांनी कार्यकर्त्यांना वाऱ्यावर सोडलं. बाळासाहेब आणि आनंदे दिघेंच्या विचाराची शिवसेना संपूर्ण महाराष्ट्राने स्वीकारली आहे'.