ठाकरेंचे ८ खासदार फुटणार असल्याची चर्चा राजकीय वर्तुळात सुरू होती. या बैठकीत ठाकरेंचे ६ खासदार उपस्थित होते, असा दावा केला जात होता. परंतु ठाकरेंचे खासदार आणि शिंदे गटासोबत कोणतीही चर्चा झाली नसल्याचे समोर आलं आहे. उपमुख्यमंत्री एकनाथ शिंदे यांनी देखील वृत्त निराधार असल्याचे म्हटलं आहे. अशी कोणतीही बैठक झाली नसल्याचे समोर आलं आहे. ठाकरेंचे खासदार फुटून शिवसेनेत येणार असल्याचा बातम्या एक-दीड वर्षांपासून पसरवल्या जात आहेत. परंतु त्यात तथ्य नाही. ती फक्त अफवा आहे, असे उपमुख्यमंत्री एकनाथ शिंदे यांनी स्पष्ट केले. तसेच खासदार श्रीकांत शिंदे यांनीही दावा फेटाळून लावला आहे.