पहलगाम येथील हल्ल्यानंतर मोदी सरकारद्वारे सर्व पक्षीय बैठकीचे आयोजन करण्यात आले होते. या बैठकीत मोदी सरकारमधील काही महत्वाचे मंत्री आणि विरोधी पक्षातील अनेक नेते यामध्ये उपस्थित होते.

कॉँग्रेस पक्षाचे राष्ट्रीय अध्यक्ष मल्लिकार्जुन खरगे यांच्यासह खासदार राहुल गांधी हे देखील उपस्थित होते. केंद्रीय संरक्षणमंत्री राजनाथ सिंह यांच्या अध्यक्षतेखाली झालेल्या या बैठकीला केंद्रीय गृहमंत्री अमित शाह, केंद्रीय मंत्री जे.पी. नड्डा आणि परराष्ट्र मंत्री एस. जयशंकर उपस्थित होते. मात्र ठाकरे गटाचा एकही खासदार उपस्थित नसल्याने उपमुख्यमंत्री एकनाथ शिंदे यांनी टीकास्त्र सोडले आहे. हेच काय राष्ट्र प्रेम, हेच काय महाराष्ट्र प्रेम? बाळसाहेबांचा नकली आवाज काढणाऱ्यांकडून काय अपेक्षा करणार असा टोला एकनाथ शिंदे यांनी नाव न घेता उद्धव ठाकरेंवर केला.