विधिमंडळाचे अर्थसंकल्पीय अधिवेशन उद्यापासून सुरू होत आहे. या पार्श्वभूमीवर सरकारकडून चहापानाचा कार्यक्रम आयोजित करण्यात आला होता. मात्र विरोधकांनी यावर बहिष्कार टाकला. यावेळी मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि सुनेत्रा पवार यांच्यासह इतर मंत्री उपस्थित होते. यानंतर पत्रकार परिषद मुख्यमंत्री आणि दोन्ही उपमुख्यमंत्र्यांनी संवाद साधला. दिल्ली येथील भारत मंडपंमध्ये AI समिट या कार्यक्रमात युवक काँग्रेसने शर्ट काढून मोदी यांच्या विरोधात जोरदार घोषणाबाजी दिली आणि देशात काँग्रेस विरुद्ध भाजप हा संघर्ष पेटला. आता यावरच एकनाथ शिंदे यांनी प्रतिक्रिया दिली. शिंदे म्हणाले, दिल्लीमध्ये चड्डी बनियान गँग आली होती. त्यांनी त्यांची अब्रू वेशीला टांगली आहे, असा टोला शिंदे यांनी कॉँग्रेसला लगावला.