रिलायन्स ग्रुपचे संचालक अनिल अंबानी यांच्यावर ईडीने मनी लाँड्रिंग प्रकरणी मोठी कारवाई केली आहे. ईडीने आरोप केला आहे की, 'रिलायन्स होम फायनान्स लिमिटेड (RHFL) आणि रिलायन्स कमर्शियल फायनान्स लिमिटेड (RCFL) यांनी उभारलेल्या सार्वजनिक निधीचे कथित वळण आणि मनी लॅांड्रीग करण्यात आले आहे.' या प्रकरणी ईडीने देशभरातील सुमारे ७,५०० कोटी रुपयांपेक्षा जास्त किमतीची मालमत्ता जप्त केली आहे.

जप्त केलेल्या मालमत्तेमध्ये कोपरखैरणे येथील १३२ एकरवरील धीरूभाई अंबानी नॉलेज सिटी, मुंबईतील पाली हिल येथील घर, चर्चगेटमधील कार्यालय आणि नवी दिल्लीतील रिलायन्स सेंटर यांचा समावेश आहे. याशिवाय मुंबई आणि दिल्लीतील एकूण २९ फ्लॅट्सदेखील ईडीने सील केले आहेत. ही कारवाई सार्वजनिक निधीच्या गैरवापराच्या आरोपांवर आधारित असून, ईडी या प्रकरणाचा पुढील तपास करत आहे.