राज्याचे सामाजिक न्यायमंत्री तथा शिवसेना शिंदे गटाचे नेते संजय शिरसाट यांच्या घरावर हल्ल्याचा प्रयत्न झाला आहे. मध्यरात्री दीड वाजेच्या सुमारास एका तरुणाने शिरसाट यांच्या घरावर दगडफेक केली आहे. तसेच त्याने शिरसाट यांच्या घराच्या परिसरात आरडाओरडही केली आहे. हा तरुण मद्यधुंद अवस्थेमध्ये होता, या अवस्थेमध्ये त्याने शिरसाट यांच्या घरावर हल्ल्याचा प्रयत्न केला. संजय शिरसाट यांच्या घराकडे जाणार रस्त्यावरमध्ये धुंद अवस्थेत एक तरुण गोंधळ घालत होता. त्याचवेळी पालकमंत्र्यांचा ताफा घरामध्ये जात असताना तोही तरुण घरात सोबत जाण्याचा प्रयत्न केला. त्यावेळेस पोलिसांनी पकडले. त्याचे मेडिकल केल्यानंतर तो प्रचंड दारू पिलेला होता. त्यामुळे पोलीस ठाण्यात त्याच्या विरोधात दारू पिऊन गोंधळ घातल्यावर गुन्हा दाखल करण्यात आला आहे