अभिजीत देशमुख, साम टीव्ही

कल्याण डोंबिवली रेल्वे स्टेशन परिसरात गर्दुल्ल्यांचा वाढता वावर हा नागरिकांसाठी चिंतेचा विषय बनला आहे .या गर्दुल्ल्यांकडून छेडछाड, हाणामाऱ्यांसारखे प्रकार होत असल्याने नागरिकांमध्ये भीतीच वातावरण आहे. रेल्वे पोलिसांकडून या गर्दुल्ल्यांविरोधात काही दिवसांपूर्वी कारवाई सुरू करण्यात आली. मात्र, आता कारवाई थंडावल्याचे दिसून येत आहे. लोकल ट्रेन मधील माल डब्यात एक तरुण दिवसाढवळ्या खुलेआम नशा करत असल्याचा एक व्हिडिओ सध्या सोशल मीडियावर व्हायरल होतोय.

एका तरुणाने हा व्हिडीओ अपलोड केला असून हा व्हिडिओ डोंबिवलीहुन सीएसटीकडे जाणाऱ्या एका लोकलमधला असल्याचा प्राथमिक माहिती आहे. मात्र, या व्हिडिओमध्ये हा तरुण खुलेआम नशा करताना दिसतोय. एकूणच या घटनेमुळे आता गर्दुल्ल्यांचा वावर हा धावत्या ट्रेनमध्ये वाढला असल्याचे दिसून आल्याने प्रवासी वर्गामध्ये भीतीचं वातावरण पसरलं आहे. अशा गर्दुल्लांवर वेळीच कारवाई करावी अशी मागणी प्रवासी वर्गाकडून केली जात आहे.