रशियाचे राष्ट्रपती व्लादिमीर पुतिन यांच्या निवासस्थानावर ड्रोन हल्ल्याचा प्रयत्न झाल्याची धक्कादायक माहिती समोर आली आहे. सुरक्षायंत्रणांनी वेळीच सतर्कता दाखवत हा ड्रोन निष्क्रिय केला असून मोठा अनर्थ टळला आहे. या घटनेनंतर रशियात उच्चस्तरीय सुरक्षा इशारा जारी करण्यात आला आहे. हल्ल्याच्या मागे कोण आहे, याचा तपास रशियन सुरक्षा यंत्रणा करत आहेत. या घटनेमुळे आंतरराष्ट्रीय स्तरावर खळबळ उडाली आहे.

युक्रेनने राष्ट्राध्यक्ष व्लादिमीर पुतिन यांच्या घरावर हल्ला करण्याचा प्रयत्न केल्याचा आरोप रशियाने केला आहे. दुसरीकडे युक्रेनने हा दावा पूर्णपणे खोटा असल्याचे सांगतिले. या हल्ल्याला प्रत्युत्तर दिले जाईल, असा इशारा रशियाने दिला आहे. त्यामुळे हे युद्ध पुन्हा भडकण्याची शक्यता आहे.