उपमुख्यमंत्री देवेंद्र फडणवीसांनंतर मराठा आंदोलक मनोज जरांगे यांनी अजित पवार यांच्यावर निशाणा साधला आहे. जरांगे भंपकपणा करत आहेत असा आरोप प्रविण दरेकर यांनी केला होता, त्यावर जरांगे यांनी हे सगळं देवेंद्र फडणवीस बोलायला लावत असल्याचा आरोप केला होता. तर आता मराठा आंदोलक मनोज जरांगे पाटील यांनी अजित पवारांवर निशाणा साधला आहे. टेबलाखाली बसून गप्पा मारु नका असा टोला जरांगे यांनी अजित पवारांना लगावला आहे. तर शिष्ट मंडळाने काय केलं? हे कधी त्यांना विचारलं का असा सवाल जरांगे यांनी अजित पवार यांना केला आहे.