अमेरिकेचे राष्ट्राध्यक्ष डोनाल्ड ट्रम्प यांनी युद्धाबाबत मोठे विधान केले आहे. इराणसोबतचे युद्ध आता जवळजवळ संपत आले असल्याचे त्यांनी सांगितलंय. तसेच जागतिक तेल पुरवठा कोणत्याही परिस्थितीत थांबू देणार नाही, असेही ट्रम्प म्हणालेत. इराणने तेल पुरवठा थांबवण्याचा प्रयत्न केला तर त्याला मोठी किंमत मोजावी लागेल. अशा कृतीसाठी इराणला यापेक्षाही कठोर शिक्षा भोगावी लागेल, असा इशाराही ट्रम्प यांनी दिलाय. तसेच अनेक अर्थांनी आम्ही हे युद्ध जिंकलो आहोत. इराणचे वायु दल आणि सैन्य दल आम्ही उद्ध्वस्त केले असून अण्वस्त्र निर्माण करणारा कारखाना देखील आम्ही उधळून लावला आहे, असे डोनाल्ड ट्रम्प म्हणाले.