कोल्हापूर: दिवाळीच्या पार्श्वभूमीवर शेतकऱ्यांसाठी एक आनंदाची बातमी समोर आली आहे. गाय दूध खरेदी दरात एक रुपयाची वाढ करण्यात आली आहे. गोकुळकडून ही गाय आणि म्हशीच्या दूध खरेदी दरात एक रुपयाची वाढ करण्यात आली असून दूध उत्पादक शेतकऱ्यांना यामुळे दिवाळीचे मोठे गिफ्ट मिळाल्याची चर्चा आहे. 1 ऑक्टोबरपासून ही दरवाढ लागू करण्यात आली आहे. काल कर्ज रोख्यांच्या मुद्यावरून कोल्हापूरच्या गोकुळ दूध संघाविरोधात जोरदार मोर्चा काढण्यात आला होता. या मोर्चामध्ये आंदोलक आणि पोलिसांची जोरदार झटापट झाल्याचे पाहायला मिळाले. आंदोलकांनी मोर्चात जनावरे आणल्याने एकच गोंधळ उडाला होता. गोकुळच्या संचालिका शौमिका महाडीक यांच्या नेतृत्वाखाली हे आंदोलन करण्यात आले होते.