अभिनेता सुशांत सिंह राजपूत याची मॅनेजर दिशा सलियन प्रकरणाला आता वेगळे लागले आहे. या प्रकरणाचा तपास CBI कडे गेल्यानंतर यात आदित्य ठाकरेंसह काही जणांच्या नावाचा उल्लेख आहे. यानंतर आदित्य ठाकरे यांनी सोशल मिडिया पोस्ट करत आपली बाजू मांडली. या पोस्टनंतर सतीश सलियन यांनी आदित्य ठाकरेंवर 500 कोटींचा अब्रुनुकसानीचा दावा करणार असल्याचे म्हटले होते, आज याबद्दलची नोटीस देण्यासाठी सतीश सलियन आणि वकील हे थेट मातोश्रीवर दाखल झाले.

यावेळी मोठ्या प्रमाणात हायव्होलटेज ड्रामा बांद्रा येथील कला नगरमध्ये पाहायला मिळाला. दिशा सालियनचे वकिल आणि वडील येणार हे समजताच उद्धव ठाकरे यांच्या निवासस्थानी मोठ्या संख्येने शिवसैनिक जमा झाले. दरम्यान आदित्य ठाकरे यांच्या वकिलांनी सदर नोटिस स्वीकारली.