धुळे लोकसभा मतदारसंघाच्या मतमोजणीला थोड्याच वेळात सुरुवात होणार आहे. मतमोजणीसाठी प्रशासन सज्ज झाले आहे. तर पुढील काही तासात धुळे लोकसभा निवडनिकीच्या रिंगणात उतरलेल्या 18 उमेदवारांच्या भवितव्याचा निकाल हाती येणार आहे. यात महत्वाची लढत महाविकास आघाडीमधील काँग्रेसच्या उमेदवार शोभा बच्छाव आणि महायुतीतील भाजपचे उमेदवार सुभाष भामरे यांच्यात होणार आहे. या दोन्ही उमेदवारांची प्रतिष्ठा पणाला लागली असून भाजपचे उमेदवार डॉ. सुभाष भामरे हे आपल्या विजयाची घोडदौड कायम ठेवत हॅट्रीक करतील का? तसेच काँग्रेसच्या उमेदवार शोभा बच्छाव या सुभाष भामरे यांचा विजयाचा रथ रोखण्यास यशस्वी होऊन आपली विजयाची पताका फडकवणार का? याकडेच सगळ्यांचं लक्ष लागलंय.