ठाकरेंच्या ६ फुटीर खासदारांच्या भूमिकेमुळे उद्धव ठाकरेंना मोठा धक्का बसला आहे. फुटीर खासदारांचा संसदेत वेगळा गट देखील स्थापन झाला आहे. तर ठाकरे गटाने बोलावलेल्या महत्त्वाच्या बैठकीला फुटीर खासदार हजर झाले नाहीत. त्यानंतर सर्व ६ खासदार नॉट रिचेबल आहेत. खासदार ओमराजे निंबाळकर यांचंही नाव फुटीर गटात असल्याने चर्चांना उधाण आलं आहे. धाराशिव लोकसभा मतदारसंघाचे खासदार ओमराजे निंबाळकर हे पुण्यातच असल्याचा पुरावा समोर आला आहे. जगदीश फरताडे यांच्या फेसबुक पोस्टद्वारे पहिला फोटो समोर आला आहे. ओमराजे निंबाळकर यांच्या समवेत राजे निंबाळकर हे देखील या फोटोमध्ये आहेत. २० तारखेला पवनराजे निंबाळकर हत्याकांडाचा अंतिम निकाल मुंबई उच्च न्यायालयात लागणार आहे. या निकालानंतर ओमराजे निंबाळकर त्यांची राजकीय भूमिका मांडणार आहेत.